TER I
Qaraqalpaqsha
at. 1. Denedegi ayırım bezler arqalı shıǵatuǵın suwıq zat, suw.
Íssıda ter tógip ekken payadan, Jıygan paxtań saya bolar, nan bolar (I.YUsupov).
Baslıq adamlardıń iyeginen teri sorǵalasa da kostyumın sheshpeytuǵın ádeti bar dá! (M.Nızanov).
2. awıs. Adamnıń miyneti.
Bul jerge ata-babalarımızdıń, ózimizdiń miynetimiz, terimiz sińgen joq pa? (Á.Bókeyxanov).
0 Ashshı ter — artıqsha ielengen miynetke sarıplanǵan kúsh.
Terlep-tepshiw — shın terge túsiw, júdá terlew.
Bala bolsa terlep-tepship, Jemisti aldı kózi qıymay (B.Ismaylov).
Qara terge túsiw — a) jumıstı ıqpas penen, intası menen ter shıǵarıp islew.
Men onnan sayın qara terge túsip ıqlaslanıp oqıyman (J.Aymurzaev).
b) Qıyınǵannan, qısınǵannan ter shıǵarıw.
Mańlay ter — qadal miynet.
Ol qaraqalpaq elin mańlay terin tógip miynet etiwge, adamǵa jaqsılıq qılıw ushın janın pidá qılıwǵa, ardın tuwın joqarı kóteriwge shaqırdı (S.Máwlenov).
Mańlay teri menen tabıw — ayanbay miynet etiw, kúsh-jigerin sarıplaw.
Usı kúni mańlay terim menen tapqan hadal kásibimdi ańsap júrippen (Á.Nurpeysov).
Haram ter bolıw — miyneti bosqa ketiw, zaya bolıw.
Teri bezleri — adamnıń denesindegi ter shıǵaratuǵın bezler.
Ter bóliniw — terdiń ter bezleri arqalı adam denesiniń sırtına bólinip shıǵıwı.
Ter shıǵarıw — adam terisiniń bet tárepine ornalasqan ter bezleriniń tásirinen payda bolatuǵın jaǵday.
Terin alıw — belgili bir uzaklıqqa shawıp attıń terin alıp baplaw.