TÁRBIYA
Qaraqalpaqsha
at. Adamnıń jámiyetlik turmıs qáliplestiretuǵın, úyretetuǵın minez-qulqı menen úrdisi.
Usı tárbiyanı kórgennen keyin ózim de taza júriwge tırıstım (M.Nızanov).
0 Tárbiyasında bolıw — birewdiń tárbiyasın kóriw.
Tárbiya kórgen — ádepli, iybeli.
Tárbiya kórmegen — ádepsiz, qásiyetsiz, jaman.
Tárbiya oshaǵı — tálim-tárbiya kórsetetuǵın orın.
Bunnan basqa da ilaj dawamında jaslarǵa shańaraq bul úlken tárbiya oshaǵı ekenligi, shańaraq kurıwdıń juwapkershiligi xakkında da túsinik berip ótildi (Internet maǵlıwmatı).
Tárbiya sabaǵı — mekteplerde oqıwshılarǵa ótiletuǵın sabaq.
Oǵan hár jaqtan tımsallap, kerek bolsa ata-ananıń húrmeti qaqqında ráwiyatlar aytıp berip tárbiya sabaǵın óteseń (M.Nızanov).