TÓBE II
Qaraqalpaqsha
at. 1. Bastıń eń ústindegi bólegi, ústi.
Bul gáp menin tóbeme muz quyǵanday boldı (Á.SHamuratov).
Gá quwarıp, gá bozarıp kelbet-nishini atıp kiyatırǵan tańday qubılıp, denesi bezgek tiygendey qaltırap ǵázebi atlıqqa Saparǵa Sáliymanın tóbesi jalpıyıp shókken qaqırasınıń xawası tarlıq etkendey ókpesi isti (K.Sultanov).
2. Jaydıń joqarǵı jabılǵan jaǵı.
Jaydıń tóbesi ortasına tústi (T.Qayıpbergenov).
3. Bir zattıń eń biyik jeri.
Tóbesi kókke tiyiw — niyetine jetiw, tilegi orınlanıw.
Tóbesi kókke tiygendey boldı (Ó.Xojaniyazov).
Tóbe shashı tik turıw — azarlanıw, úreyi ushıw, ıza bolıw.
Taq qalǵannan tóbe shashı tik turdı (B.Ismaylov).
Júregi tas tóbesine shıǵıw — qattı qorqıw, shorshıw.
Jolbarıstıń dawısın esitkende, júregim tas tóbeme shıqtı (qq.x.e.).
Tóbesinen orın beriw — húrmetlew, izzetlew.
Ustaz bolǵan rus shayırlarına, Men tóbemnen orın bergim kelip tur (A.Dabılov).
Bir tóbe — a) bir zattı bir neshe zat penen salıstırǵanda onıń ayrıqsha, artıq, jaqsı ekenligin kórsetedi.
Áne er jigitke kelgen mártebe, fashistler bir joqdur, Óziń bir tóbe (S.Nurımbetov).
b) bólek, dana.