FORMA
Qaraqalpaqsha
at. 1. Predmettiń sırtqı kórinisi.
Qala qorǵan formasında salınǵan (Á.Paxratdinov).
Ol bul júrgeninde grajdanlıq forma kiygen, onıń qolına kótergen hesh nársesi de joq (Á.Paxratdinov).
2. Adamnıń pishini, kelbeti, sımbatı, sıqılı.
Adamnıń tiri waqıtındaǵı dene formasınıń anatologiyalıq qurılısına onıń dene dúzilisine qaray da tekseriw kerek (Á.Paxratdinov).
3. Adamǵa hár qıylısha islenip kiyiletuǵın kiyim.
Kapitan grajdanlıq formada kiyingen edi (Á.Paxratdinov).
4. Arnawlı grafaǵa bólinip ielengen qaǵaz, úlgi.
Muǵallim oqıwshılarǵa jańaǵı qórsetilgen forma boyınsha tapsırmanı islep keliwdi eskertti,... 5. Qanday da bir nárseniń belgilengen nusqası.
Sızılma forması.
Spravka, protokol forması.
6. Belgili túr, málim kórinis.
Gripptiń jeńil forması.
Revmatizmniń awır forması.
... allergiyalıq keselliklerdiń ótkir formaların emlew ushın tiyisli ilajlardı qollanıw zárúr (T.Eщanov).
7. Belgili dárejeli adamlar ushın arnawlı tigilgen xám basqa belgileri jaǵınan bir qıylı kiyim.
Áskeriy forma.
Lyotchik forması.
Militsiya forması.
Ol búgin jawıngerlik formanı taslaǵan, ústine grajdanlıq kiyimler kiygen (Á.Paxratdinov).
8. Qanday da bir nárseniń qurılısınıń yaki dúzilisiniń túri, tipi.
9. poligr.
Baspasózde qollanılatuǵın úlgi, qálip.
Baspa forması.
Jazba forması.
10. tex.
Bir zattı ekinshi bir zattıń túrine keltiriw, úlgisine ákeliw, qálipke túsiriw.
SHoyın eritindilerin quyıw forması.
11. Qanday bolsa bir nárseniń qabıl etilgen norması, muǵdarı, túri.
Házir qaraqalpaq ádebiy tili til mádeniyatınıń eń joqarǵı forması sıpatında qollanılmaqta (E.Berdimuratov).
12. lingv.
Gáp xám sózlerdiń óz ara baylanısları xám de grammatikalıq kategoriyalardı sırtqı jaǵınan túsindiriw usılı, jolı sharası.
Qaraqalpaq tilinde kúndelikli pikir alısıw praktikamızda xár túrli sóz formaları ushırasadı (E.Berdimuratov).
Sóylew tili — bul xalıqtıń kúndelikli turmısta bir-biri menen tuwrıdan-tuwrı qatnas jasawının aktiv forması (E.Berdimuratov).
Sırtqı forma — tısqarı úlgisi.
Óliktiń sırtqı forması boyınsha hesh nárse oylap tabıwǵa múmkinshilik bolmadı (Á.Paxratdinov).
Basqa forma — bóten úlgi, ózgeshe úlgi.
Xalıq ómiriniń ózgeriwi menen sheshenlik sóz jarıstırıw kem-kem basqa formaǵa ótken soń qalıp ketken (Q.Ayımbetov).