ÍZǴARLÍ
Qaraqalpaqsha
kel. Íǵallı, hólli, lámli.
Óytkeni ondaǵı ızǵırıq jel, ızǵarlı xawa rayı biziń jerde de jiyi-jiyi bolıp turadı ǵoy, kónip ketti (Ó.Ayjanov).
awıs. Ízǵarlı — ashıwlı, kekli.
Kátqudalar menen jasawıllardıń tum-tustan qaraǵan ızǵarlı kózleri Qosıbaydıń ǵá gáwdesine, gá bet aldına nayzaday shanshılıp tur (K.Sultanov).
— Piyrim kele bersin dep otırman, — dedim kúlip.
Bul gáp oǵan sál ızǵarlı túyildi (M.Nızanov).
<> Ízǵarlı kúlki — ashıwlı, kekli kúlki.
Ótemurattıń kózine ızǵarlı kúlki kuyılıp keldi (K.Sultanov).
—Qaqqıńnan! — dep ızǵarlı kúldi Gúlshira (M.Nızanov).