ÍŃQÍLDAW
Qaraqalpaqsha
f. 1. Gúrsildew, ıńırsıw.
Bul jerde ıńqıldap atırǵan kesel joq (M.Nızanov).
2. awıs. Boldırıw, sharshaw.
Qarańǵı túnde ıńqıldap awıl shetindegi áulieden SHúkirjannıń úyine zorǵa ákeldik (A.Bekimbetov).
Ernazar arıslanday qol-ayaǵın salmaq penen basıp, qurdı úsh mártebe aylandı da, xan aldına kelip, alıs sapardan boldırıp kelgen narday ıńqıldap, áusiretli demin aldı (Q.Sultanov).
ÍŃQÍLDÍ at. Íńqıldaǵan ses, dawıs.
Sonıń arasında emeski ıńqıldı taǵı esitildi (T.Qayıpbergenov).