ǴAMXORSHÍ

Qaraqalpaqsha

at. 1. Ǵamxorlıq etushi, ámengershilik etushi, birewdiń ǵamın oylawshı, jaqsılıq etushi, miyirmandıq etushi, jaqtawshı, súyewshi. Palwan qashan da bolmasın usınday bir ǵamxorshını tabaman dep isenetuǵın edi (Ó.Ayjanov). 2. Súyewshi, qollawshı pir. din. Túsinik boyınsha maldıń ǵamxorshı iesi boladımıs degen dini pikirler ómir súrip kelgen. Mallardıń (xaywanlardıń) ǵamxorshıları, ieleri (pirleri) — Janlıq piri — SHopan-Ata, Maldıń piri — Záńgi-baba, Jılqı piri — Jılqıshı-Ata, Túyeniń piri — Oysıl-Qara degen inanım bar (Kúnxoja). 3. yur. Jaqtawshı, qorǵawshı adam — advokat. Inisi irkiwge alınudan-aq onı qutqarmaqshı bolıp ǵamxorshı jalladı (A.Áliev).