QAǴAZ
Qaraqalpaqsha
at. 1. Aǵash, paxta, shúberek hám taǵı basqalardıń massasınan jasalǵan jazıwǵa arnalǵan zat.
Erejep paxta teriwdi soraǵan jigitlerdiń dizimin qaǵaz betine toltırıp jaza basladı (T.Nájimov).
Belindegi belbewin sheship, eki-úsh qabat shapanınıń arasınan japıraqtay qaǵazdı alıp Qosıbayǵa usındı (K.Sultanov).
2. awıs. Xat.
Oqıp kórip qaǵazın, yardan jıllı sóz tawıp murat-maqseti pitti («Máspatsha»).
3. awıs. Hújjet.
Onıń kitap salatuǵın sanlıǵı usı qobdıysha, jasırın-kupıya qaǵazları da usında boladı (K.Sultanov).
0 Qara qaǵaz — a) jawıngerdiń qazalanıwı jóninde jiberilgen xabar, bunı xalıq qara qaǵaz deydi.
Qara qaǵaz kelse bir márttiń oqtan ushıp qaza bolǵanı (K.Sultanov).
b) teksttiń kóshirmesin kóbeytiw ushın aq qaǵazdıń qara túri.
Qaǵaz aqsha — qaǵazdan ielengen aqsha.
Qaǵaz júzinde — qaǵaz júzine jazıp túsiriw.
Qatnas qaǵaz — mákemelerdiń bir-birine jazatuǵın arnawlı rásmiy xújjeti.
Qaǵaz bastı — qaǵaz benen islenetuǵın jumıslardıń kópligi.
Qaǵaz betine túsiriw — qaǵazǵa jazıw, kóshiriw.