QAǴÍQ
Qaraqalpaqsha
F. 1. Esikti, terezeni, stoldı xám t.b.
zatlardı tarsıldatıw, urıw, dúnkildetiw.
Sırttan qapını qaqqan dawıs esitildi.
2. Bir zatqa juqqan shańdı, tozańdı silkiw.
Batır qızlar baplanıp, Kiyimniń shańın qaǵadı («Qırq qız»).
3. SHege, mıyıq, kazıq, qada qusaǵan zattı diywalǵa, jerge yamasa ekinshi bir zatqa urıp kirgiziw.
Bedewge qaqqaysań polattan taǵa, Sawıtqa tutqaysań altınnan jaǵa («Alpamıs»).
0 Qas kerip qaǵıw — qas isharatı menen belgi beriw.
Balıqshı qız bir kúldi, Qasın kerip qaqtı da (T.Seytjanov).
Iyek qaǵıw — a) jan tapsırıw aldında qıylanıw, azaplanıw.
Xosh bolıńız, balam dep, Zorǵa iyek qaǵadı (Jiyen jıraw).
b) iyek penen belgi beriw, isharat etiw.
Tis qaqqan — eseygen, kópti kórgen.
Qız benen salıstırǵanda, Aytmurat ádewir tis qaqqan jigit edi.
Qaǵıp salıw — astı birden iship bolıw, tez ishiw, jew.
Aldına qoyǵan palawdı há degeninshe qaǵıp saldı.