QUMAR II
Qaraqalpaqsha
kel. Háwes, inta, intizar, ıntıq.
... ol mashinaǵa miniwge kútá qumar qusaydı (A.Bekimbetov).
Kóz qumarǵa toymaydı, Kóńil diydarǵa toymaydı, Zamanlas penen otırsań, Hárgiz miyriń qanbaydı (Aytıstan úzindiler).
0 Qumar bolıw — intizar bolıw.
Hámme tapqıshtı kóriwge qumar boladı (kq.x.e.).
Qumarı tarqaw — miyiri qanıw, ráhátleniw.
Al qumarı tarqap bolǵannan keyin, Tanıs jolawshıǵa usar esheyin (I.YUsupov).
Qumardan shıǵıw — ráhátleniw, kóńlindegige erisiw, sherin tarqatıw.
Biraq, awıldıń xalqı Úmbetalıǵa: — Siz sol bala menen aytısıp kóriń, dásme-dás, sheshenlikten qumardan shıǵasız.
Kelisim menen aytıspasa, sóz benen ilip sóyleń, onnan soń ol da aytıstı dawam etip jiberedi.
Aqıl sózge qulaǵımızdıń qurshı qansın, — dep qoymaǵan.
(Tilewbergennin qazaq aqını Úmbetalı menen aytısı).