ÁWEL
Qaraqalpaqsha
r. Erte, burın, dáslep, ádep, eń ádep, birinshi.
Kebiw taxta áweli pısqıp tutandı da, sońın ala sharpıp jandı (K.Sultanov).
Ayaǵınıń ushınan basıp, apıl-tapıl júregi baladay jorǵalap áweli jaydıń esigine, onnan soń tereze tusına bardı (K.Sultanov).
Atawǵa áwel sıralǵı sorawshılar kelse, sońınan qus, balıq satıp alıwshı karıydarlar jaw boldı (K.Sultanov).
Temir kisen menen temir shider áweli attıń ayaǵın jaralaytuǵın bolsa, ekinshiden ózin qustay erkin sezetuǵın shapqır attıń xáreketin sheklep, názerin qaytaradı, dep esapladı (K.Karimov).
Attı ákelemiz be áwel arbaǵa, yaki aldı menen arbanı atqa? ... (I.YUsupov).
Áwelinde maqtap atqa mingizip, Attan túserinde infarkt qıladı (I.YUsupov).
Insanǵa tileńiz áwel densawlıq, Dúnyanıń táshwishi insanǵa baǵlıq (Ájiniyaz).
Áwel berermen dep, sońıra bermeǵen, Miynetkeshke qaqı tólep kórmegen (Berdaq).