at. 1. Arqandı eki jaqqa tarttırıp, onıń orta beline gezleme material salınıp, eki jaǵınan aǵash kerilip, ortasına (ishine) balalardı jatqarıwǵa qolaylastırıp ielengen buyım.
Ol balanı átkenshekten alıp, háwletip qol ushına kóterdi (M.Nızanov).
Anam saǵan baylap meniń átkónshegimdi, Terbetkende ırǵalǵansań hayyalap sen de (I.YUsupov).
Háykel, óńirmonshaǵı ■uwdırlaǵan qızlar shashbawları sıńǵırlaǵan jeńgelerine qosılıp, átkónshekke kiyatır (K.Sultanov).
2. Úlken, biyik aǵashlarǵa yamasa tórt aǵashtı eki-ekiden jerge kómip basın ayqastırıp, joqarǵı betine kesesine aǵash taslap, oǵan arqan taǵılıp, qız-jigitlerdiń, adamlardıń tebiwi (ushıwı) ushın qurılǵan zat.
Aytta, toyda, átkenshekte, Jigitler súykense saǵan, Ashıwlanbay, kúlip tek te, Qarap qoyar ediń maǵan (I.YUsupov).
Alpamıs uyqıdan turǵan, terektiń sayasındaǵı átkónshekte ján-jaqqa jawtanlap qarap jatırǵan eken (M.Nızanov).
Tórt hádńine qalanıń, Átkónshekti qurǵızdı («Qırq qız»).
3. Jas náreste ushın temir yamasa aǵashtan ielengen terbetiw, shayqaw quralı.